Aqmolalyqtarǵa 4-8 aqpan aralyǵynda jolǵa shyqpaýǵa keńes berildi
KÓKShETAÝ. QazAqparat - Aqmola oblysynyń turǵyndaryna bıylǵy jylǵy 4-8 aqpan aralyǵynda alys saparlarǵa shyqpaýǵa keńes berildi, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.
Vedomstvonyń málimetinshe, mundaı eskertý joldardaǵy tótenshe jaǵdaılardyń aldyn alý úshin berilip otyr.
«2021 jyldyń 4-8 aqpany aralyǵynda óńirde qarly boran, jańbyr jaýyp, kóktaıǵaq bolatyny kútilýde. Osyǵan baılanysty joldardaǵy tótenshe jaǵdaılardyń aldyn alý úshin jol polıtseıleri júrgizýshilerge jeke avtokólikpen asa qajettiliksiz júrmeýge keńes beredi. Eger sapardy keıinge qaldyrý múmkin bolmasa, qozǵalys erejelerin qatań saqtaý kerek, jyldamdyqty barynsha tómendetý, qashyqtyqty, búıirlik aralyqty saqtaý, jaıaý júrginshilerge kóbirek nazar aýdarý, muqııat jáne abaı bolý kerek», - dep túsindirdi vedomstvodan.
Polıtsııa qyzmetkerleri shtattan tys jaǵdaı týyndaǵan kezde 102 jáne 112 arnaıy jelileri boıynsha habarlaýǵa bolatyndyǵyn eske salady.
