Aqmolalyqtardyń 30 paıyzy buqaralyq sportpen aınalysady- Áset Búkibaev
Basqarma basshysynyń aıtýynsha, vedomstvonyń basty mindetteriniń biri-oblys turǵyndaryn sporttyq ınfraqurylymmen qamtamasyz etý. Osy rette, óńirde 2 483 sport nysany jumys isteıdi, onyń ishinde 1 723-i aýyldyq jerlerde ornalasqan.
«Aýyl el besigi» baǵdarlamasy aıasynda aǵymdaǵy jyly Jaqsy aýdanynyń ortalyǵy Jaqsy aýylynda dene shynyqtyrý-saýyqtyrý kesheniniń jáne Býrabaı aýdanynyń Mádenıet aýylynda sport kesheniniń qurylysyn bastaý josparlanýda. Sonymen qatar, Şýchınsk qalasynda sport saraıynyń qurylysyna oblystyq bıýdjetten qarajat bólindi, 12 aýdan jańa sport alańdary ashylady. Shortandy kentindegi stadıonǵa kúrdeli jóndeý jumystary júrgiziledi.
«Buqaralyq sportty damytýǵa kóp kóńil bólinip otyr. Jyl saıyn dene shynyqtyrýmen jáne sportpen aınalysatyn azamattardy qamtý artyp keledi. Bul rette kórsetkish oblys turǵyndarynyń 30,7 paıyzyn qurap, ótken jyldyń deńgeıinen joǵary bolyp otyr. Bul kórsetkishti jyl sońyna deıin 33 paıyzǵa deıin arttyrý josparda bar. Kez-kelgen saladaǵy sııaqty, sportta da kóp nárse joǵary bilikti mamandarǵa baılanysty. Dene shynyqtyrý jáne sport salasynda 2 240 adam jumys isteıdi, onyń ishinde aýylda – 1 224. Aýyldyq okrýgterde 141 nusqaýshy sportpen shuǵyldanady», - dep túsindirdi Áset Búkibaev.
Basqarma basshysy atap ótkendeı, salaýatty ómir saltyn nasıhattaý jáne oǵan degen qyzyǵýshylyqty arttyrý maqsatynda oblys boıynsha 258 sporttyq is-shara ótkizilip, oǵan 10 797 adam qatysty. Óńirdiń «qyzyl» aımaqta bolýyna jáne buqaralyq is-sharalardy ótkizýge tyıym salynýyna baılanysty sporttyq is-sharalardyń basym bóligi onlaın rejıminde ótti.
Balalar men jasóspirimderdi dene shynyqtyrý men sportqa tartý boıynsha biraz jumystar atqarylýda. 29 sport mektebinde 15 myńnan astam jas sportshy jattyǵady. Aǵymdaǵy jyldyń qańtar aıynan bastap sport mektepteri dene shynyqtyrý jáne sport basqarmasynyń qaramaǵyna berildi.
«Bizdiń óńirde boks pen erkin kúres, trıatlon, jeńil atletıka, aýyr atletıka keńinen tanymal, jyl saıyn balalar ulttyq sport túrlerine qyzyǵýshylyq tanytýda, qazaq kúresi, kókpar, asyq atý jáne taǵy basqa sektsııalar ashylýda. Sondaı-aq, hokkeı, fýtbol, voleıbol sııaqty oıyn sport túrleri de damýda. Aqmolalyq basketbolshylar aıtarlyqtaı jetistikterge qol jetkizdi: ulttyq jarystarda qyzdar ózderiniń jas sanattarynda chempıon jáne júldeger atandy. «Arlan» hokkeı komandasy shaıbaly hokkeıden Qazaqstan Respýblıkasy Chempıonatynyń kúmis júldegeri boldy. Balalar men jasóspirimder qoıan-qoltyq urys, armrestlıng, gir kóterý sııaqty olımpıadalyq emes sport túrlerimen de belsendi aınalysady», - dedi Áset Búkibaev.
Basqarma basshysynyń aıtýynsha, buǵan kóp jaǵdaıda myqty jattyqtyrýshylar quramy yqpal etedi. Shańǵy jarysy men bıatlon boıynsha tálimgerler oblysymyzdyń aǵa jattyqtyrýshysy Gennadıı Makarov pen QR eńbek sińirgen jattyqtyrýshysy Vıktor Vasılev óz tájirıbesin jastarǵa úıretýde.
Bokstan oblystyń aǵa jattyqtyrýshysy, QR Eńbek sińirgen jattyqtyrýshysy Aleksandr Vysotskıı birqatar jarqyn sportshylar daıyndady.
«Batyrbek Ozdoev, Sergeı Shevchenko, Dmıtrıı Chýrsınmen jattyǵatyn jas aýyr atletter dástúrli túrde jaqsy nátıjeler kórsetýde. Armrestlıngte chempıondardyń birneshe býynyn halyqaralyq dárejedegi sport sheberi, QR eńbek sińirgen jattyqtyrýshysy Ilıa Ilın tárbıeledi», - dedi Áset Búkibaev.
Aqmolalyq sporttyń bolashaǵy bar, álemdik deńgeıdegi jetistikterin kórsetetin jastar ósip keledi. Sport súıer qaýymǵa eńbek sińirgen sport sheberi Dına Jolaman, áıelder kúresinen halyqaralyq dárejedegi sport sheberi Aına Temirtasovanyń esimi jaqsy tanys. Veloshabandoz Andreı Chýgaı, trıatlonshylar Aıan Beısembaev pen Temirlan Temirov, aýyr atlet Karına Kúzǵanbaeva, erkin kúresker Erhan Beksultanov tárizdi sporshylar laıyqty nátıjeler kórsetýde.
«Bizdiń jas sportshylar irikteýden ótip, 2024 jyly Parıjde ótetin Olımpıada oıyndarynda elimizdiń namysyn laıyqty qorǵaıdy dep úmittenemiz. Biz aldymen qatysýǵa jeńildik alý úshin, sodan keıin medaldarmen oralý úshin bar kúshimizdi salamyz. Bıylǵy Tokıodaǵy Paralımpıada oıyndarynda aqmolalyq parapaýerlıfter Davıd Degtıarevtiń sátti óner kórsetýin kútemiz. Davıdke sáttilik tileımiz jáne sportshy laıyqty nátıje kórsetedi dep úmittenemiz», - dep túıindedi Á.Búkibaev.
