Aqmolalyqtardy Norvegııaǵa jumysqa ornalastyrmaq bolǵan alaıaq áıel sottaldy
KÓKShETAÝ. QazAqparat – Norvegııaǵa jumysqa ornalaspaq bolǵan aqmolalyqtardyń 11 mıllıon teńgesin jymqyrǵan áıeldi sot 5 jylǵa bas bostandyǵynan aıyrdy, dep habarlaıdy QazAqparat tilshisi.
Sot úkiminde aıtylǵandaı, sottalýshy áıel Qazaqstan Respýblıkasynyń azamattaryn shetelde, ıaǵnı Norvegııada jumysqa ornalasýyna kómektesemin dep, Kókshetaý qalasynda kompanııa ashqan Sóıtip keńse jaldap, jeke kásipker retinde tirkelgen. Budan keıin «OLX» saıtyna jarnama jarııalap, onda óz kompanııasynyń shetelde jumysqa ornalasqysy keletin adamdarmen kelisimshart jasaıtynyn aıtqan. Buǵan senip qalǵan azamattar 100 myńnan bastap, 700 myńǵa deıin aqsha tólegen. Osylaısha alaıaq áıel barlyǵy 11 442 000 teńge aqsha jınap, ony óz qajetine jumsaǵan.
Sottalýshy kinásin tolyq moıyndap, shyn júrekten ókinetinin aıtty. Sonymen qatar, áıeldiń kámelet jasyna tolmaǵan tórt balasynyń bary eskerlip, jeńildik jasaldy.
Kókshetaý qalalyq soty sottalýshyny QR QK 190-babynyń 4-bóligi 2-tarmaǵy boıynsha kánili dep tanyp, 5 jylǵa bas bostandyǵynan aıyrý jazasyn taǵaıyndady.
Budan bólek, áıel osy ýaqytta matrıaldyq-jaýapkershilik laýazymyn atqara almaıdy. Sottalýshydan zardap shegýshilerge ótemaqy qoryna 20 aılyq eseptik kórsetkish, ıaǵnı 50 500 teńge óndirip alyndy.
Sot úkimi kúshine engen joq.
