Aqmolalyqtar úshin biregeı júrek otalary qoljetimdi boldy
KÓKShETAÝ. QazAqparat - Aqmolalyq dárigerler joǵary tehnologııalyq medıtsınalyq qyzmetter aıasynda júrekke biregeı ota jasady. Bul CRT-D – arnaıy kardıoverter-defıbrıllıatordyń ımplantatsııasy, ol báseńdegen nemese jıilegen ımpýlsti ǵana emes, údemeli júrek jetkiliksizdigin de retteıdi, dep habarlaıdy QazAqparat tilshisi.
Oblystyq Densaýlyq saqtaý basqarmasy baspasóz qyzmetiniń málimetinshe, saý júrekte júreksheler men qarynshalardyń jıyrylýy belgili bir rettilik pen úndestikte júredi. Keıbir syrqattar men jaǵdaılar kezinde júrek qýysy keńeıip, sınhrondy jıyrylý qabiletin joǵaltýy múmkin. Mundaı dıssınhronııa júrektiń sorǵysh fýnktsııasynyń tómendeýine jáne júrek jetkiliksizdiginiń paıda bolýyna nemese damýyna ákep soǵady.
«Defıbrıllıatordyń áreket prıntsıpi – ol júrekke resınhrondy terapııa júrgizedi. Sonymen qatar, ol tahıoarretmııanyń belgili bir túrin toqtata alady», - dedi №2 kópbeıindi oblystyq aýrýhananyń teri arqyly aralasý bóliminiń meńgerýshisi Aına Jumaqanova.
Tehnıkanyń máni arnaıy bıventrıkýlıarlyq (úsh kameraly) kardıostımýlıatordy ımplantatsııalaý bolyp tabylady. Onyń elektrodtary júrektiń jumysyn baqylap, onyń kameralarynyń sınhrondy túrde jıyrylýyna kómektesip turady. Osylaısha, júrektiń jumysy ońtaılandyrylady jáne onyń sorǵysh fýnktsııasy qalpyna keltiriledi.
Júrek resınhrondy terapııasyn qoldaný sozylmaly júrek jetkiliksizdigi bar, ári dári-dármektermen emdeý nátıje bermegen naýqastarda jaǵdaıdyń turaqty jaqsarýymen jáne sımptomdardyń tómendeýimen birge júredi.
«Joǵary tehnologııalyq medıtsınalyq qyzmetter aıasynda bıyl 27 ota jasaldy. Sońǵy 3 jylda biz osy defıbrıllıatorlardy ımplantatsııalaýmen tabysty aınalysyp kelemiz. Barlyq naýqastar úılerine aman-esen shyǵaryldy», - dep qosty Aına Jumaqanova.
