Aqmolalyqtar týrıstik kópsaıysta júldeger atandy
KÓKShETAÝ. QazAqparat - Týrıstik kópsaıys boıynsha ótken el chempıonatynyń kezeńdik jarysy men «Gorızont» kýboginde aqmolalyq sportshylar júldeli úshinshi oryn aldy, dep habarlaıdy «QazAqparat» HAA tilshisi oblystyq ishki saıasat basqarmasynyń baspasóz qyzmetine silteme jasap.
Jarysqa Aqmola, Almaty, Aqtóbe, Batys Qazaqstan, Ońtústik Qazaqstan, Qyzylorda, Pavlodar, Qaraǵandy oblystarymen qatar, Astana jáne Almaty qalalarynan jınalǵan 200-ge jýyq qatysýshydan quralǵan 29 komanda qatysyp, baq synady.
Saıys «baılanys», «tehnıkalyq», «komandalyq» jáne «qutqarý jumystary» tárizdi tórt kezeńnen turdy.
«Balǵyndar» tobynda Aqmola oblysynyń namysyn qorǵaǵan «5 bıiktik» komandasy júldeli úshinshi orynnan kórindi. Jeńimpazdarǵa arnaıy gramotalar men baǵaly syılyqtar tapsyryldy.
