Aqmolalyqtar tótenshe jaǵdaı rejımin 323 ret buzǵan

KÓKShETAÝ. QazAqparat - Aqmola oblysynyń turǵyndary tótenshe jaǵdaı rejımin 323 ret buzǵan. Beıbit mıtıngti uıymdastyrý jáne ótkizý tártibi týraly zańnamany buzǵany úshin 25 adam ákimshilik jaýapqa tartyldy, dep habarlaıdy QazAqparat tilshisi.

Oblystyq Polıtsııa departamenti basqarmasy baspasóz qyzmetiniń málimetinshe, ótken táýlikte oblystyń 8 turǵyny Ákimshilik quqyqbuzýshylyq kodeksiniń 476-baby boıynsha ákimshilik jaýapqa tartyldy.

«Oblys boıynsha 13 blokpost jumys isteıdi, onyń 8-i Kókshetaý qalasynda, 3-eýi Stepnogorda jáne 2-eýi Býrabaı aýdanynda. Qańtardyń 8-inde Býrabaı aýdandyq polıtsııa bólimine Ońtústik Qazaqstan oblysynyń 8 turǵyny jetkizildi. Olar bir kún buryn Astanadan Býrabaı kentine kelip, kýrorttyq aımaq aýmaǵynda memlekettik tirkeý nómiri joq kólikpen júrgen. Jol qozǵalysy erejelerin buzǵany úshin kólik quraldarynyń júrgizýshileri Ákimshilik quqyqbuzýshylyq kodeksiniń 591-babynyń 1-bóligi jáne 230-babynyń 2-bóligi boıynsha ákimshilik jaýapqat tartyldy», - dedi vedomstvodan.

Sonymen qatar, keshe Nur-Sultan qalasyna kire beristegi blokposta Arshaly aýdany Jibek jolynyń turǵynynan 75 oq-dárisi bar «Saıgak-410» tirkelmegen myltyq tárkilendi. Dál osy kúni Kókshetaýdan elorda baǵytyna shyǵa beristegi blokposta Şýche qalasy turǵynynyń avtokóliginen «TOZ 87-01» markaly tegis uńǵyly myltyq tabyldy.

«Oblys aýmaǵynda saǵat 23:00-den 07:00-ge deıin komendanttyq saǵat engizildi. Óńirdiń 180-nen astam belsendi turǵyny qoǵamdyq tártipti qamtamasyz etý boıynsha erikti jasaqtarǵa qosyldy, olardyń 84 tanymal sportshy. Oblys turǵyndaryn qulaǵdar eti úshin «jedel jeli» ashyldy. Oblys turǵyndary 1303 nómirine habarlasyp, qajetti aqparatty alýyna bolady. Búgingi kúni Sall-ortalyqqa komendanttyq patrýldeýge qatysý, alkogol ónimderin satýǵa tyıym salý, kóńil kóterý oryndarynyń jumys isteýi máseleleri boıynsha blokpostardyń jumysyna qatysty 320 qońyraý kelip tústi. Búgingi tańda oblys aýmaǵyndaǵy jedel jaǵdaı turaqty», dep tolyqtyrdy vedomstvodan.