Aqmolalyqtar Temirtas Júsipov pen Karına Quzǵanbaevany qushaq jaıa qarsy aldy

KÓKShETAÝ. QazAqparat – Aqmolalyqtar 7-shi jazǵy Dúnıejúzilik áskerı oıyndarynyń jeńimpazy Temirtas Júsipov pen aýyr atletıkadan Azııa chempıonatynyń kúmis júldeger Karına Quzǵanbaevany Kókshetaý temirjol vokzalynda qushaq jaıa qarsy aldy, dep habarlaıdy QazAqparat tilshisi.

Oblystyq Dene shynyqtyrý jáne sport basqarmasy baspasóz qyzmetiniń dereginshe, Temirtas Júsipov Qytaıdyń Ýhan qalasynda 7-shi jazǵy Dúnıejúzilik áskerı oıyndarynda bokstan synǵa túsken bolatyn. Jerlesimiz 49 keli salmaqta sharshy alańǵa shyǵyp, Nıgerııa, Kenııa, Kolýmbııa, KHDR jáne Úndistannan kelgen boksshylarymen qolǵap túıistirdi. Bes kezdesýdiń barlyǵynda Temirtas joǵary sheberlik tanytyp, qarsylastaryn aıqyn basymdyqpen jeńip, chempıon atandy.

Al, Karına Quzǵanbaeva Soltústik Koreıanyń astanasy Phenıan qalasynda ótken aýyr atletıkadan Azııa chempıonatynda kúmis júldeger atandy. Ol julqa kóteýden 96 keli salmaqty, serpe kóterýden 122 kelini baǵyndyryp, jalpy 218 keli upaımen ekinshi oryndy ıelendi.

«Ózimniń ónerimdi ortasha dep baǵalap otyrmyn. Óıtkeni, osyǵan deıingi álem chempıonatynan keıin áli babyma kele almadym. Degenmen, eki jattyǵý qorytyndysy boıyn kúmis júldeger atandym», – dedi K.Quzǵanbaeva.