Aqmolalyqtar Paraalımpıada oıyndarynyń úsh altynyn jeńip aldy
KÓKShETAÝ. QazAqparat - Eń myqty 200-ge jýyq sportshy Paraalımpıada oıyndaryna qatysty. Aqmolalyq komandanyń quramasy 11 medal jeńip aldy, dep habarlaıdy QazAqparat Aqmola oblysy dene shynyqtyrý jáne sport basqarmasyna silteme jasap.
Aqtóbede múmkindigi shekteýli sportshylar arasynda júzýden V respýblıkalyq Paraalımpıada oıyndary ótti. Eldiń eń myqtysy ataǵyna 146 júzgish talasty. Aqmola oblysynan múmkindigi shekteýli jandarǵa arnalǵan «Mergen» sporttyq klýbynyń tárbıeshileri qatysty. QR sport sheberi Vladıslav Tomasevıch jarystardyń eki márte chempıony atandy. Sondaı-aq, Vladımır Demeşenko komandanyń qorjynyna taǵy bir «altyn» ákeldi. Vladıslav Tomasevıch, Ámir Raqymov kúmis medal jeńip alsa, Vladımır Selıvanov pen Vladımır Demeşenko eki «kúmisten» ákeldi.
4h100 komandalyq estafetasy boıynsha Aıajan Bekenova, Vladıslav Tomasevıch, Vladımır Demenşık jáne Ámir Raqymovtar, erkin ádispen 50 metrge júzýden Turar Turyqbaev úshinshi orynǵa turaqtady. Alına Sınelnıkova 100 metrge brass ádisimen júzýden QR sport sheberi normatıvterin oryndady.
