Aqmolalyqtar «Mektepke jol» aktsııasyna ádettegideı belsendi qatysýda
KÓKShETAÝ. QazAqparat - Aqmola oblysynda «Mektepke jol» aktsııasy ádettegideı joǵary belsendilik sıpat aldy. Bul týraly oblystyq bilim basqarmasy basshysynyń orynbasary Botakóz Dúısenova aıtty, dep habarlaıdy QazAqparat tilshisi.
Aqmola oblystyq bilim basqarmasy basshysynyń málimetinshe, aktsııa sheńberinde bıylǵy jyly oblys boıynsha az qamtylǵan otbasylardaǵy 3945 balaǵa 52 mıllıon teńge kóleminde materıaldyq kómek kórsetilgen.
«Mektepke jol» aktsııasy QR Bilim jáne ǵylym mınıstrliginiń sheshimine saı bıylǵy jyly shildeniń 5-nen bastalyp otyr. Bıyl oblys boıynsha 13434 bala materıaldyq kómekke muqtaj bolsa, onyń 1187 birinshi synypqa barady», - deıdi Botakóz Dúısenova.
Basqarma basshysynyń orynbasary atap ótkendeı, óńirde jyldan jylǵa aktsııaǵa qatysýshylardyń sany artýda. Ótken jyly ótkizilgen aktsııanyń qorytyndysy boıynsha oblysta az qamtylǵan jáne kópbalaly otbasylardaǵy 8481 balaǵa barlyǵy 88222,3 myń teńgeniń kómegi kórsetildi.
«Mektepke jol» aktsııasy az qamtylǵan jáne kópbalaly otbasylardyń oqýshylaryna kómek kórsetýge jáne áleýmettik sebepter boıynsha balalardyń mektepke barmaýynyń aldyn alýǵa baǵyttalǵan. Osy rette, úı-úıdi aralaý reıdtik sharalar arqyly mektepke barmaıtyn balalardy anyqtaýǵa, sondaı-aq, az qamtylǵan jáne kópbalaly otbasyndaǵy balalardyń mektepke jınalýyn qamtamasyz etý kózdelgen. Osyǵan baılanysty QR BǴM usynysymen barlyq aýdandarǵa «Mektepke jol aktsııasyn» ótkizý týraly buıryq berilgen. Atalmysh usynystaǵy josparǵa sáıkes, demeýshiler, metsenattar, iri kompanııalar men aktsıonerlik qoǵamdardyń basshylaryna jáne turǵyndar aktsııaǵa barynsha tartylýda. Sonymen qatar, aqparattyq -túsindirý jumystary belsendi júrgizilýde»,
