Aqmolalyqtar medıtsınalyq saqtandyrý qoryna 32 mıllıon teńge aýdardy
KÓKShETAÝ. QazAqparat - Aqmolalyqtar mindetti əleýmettik medıtsınalyq saqtandyrý qoryna 32 mıllıon teńge qarjy aýdardy. Bul týraly «Əleýmettik medıtsınalyq saqtandyrý» ulttyq aktsıonerlik qoǵamy Aqmola fılıalynyń basshysy Nurlan Aqylbekovtyń qatysýymen ótken baspasóz konferentsııasy barysynda aıtyldy, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
Onyń sózinshe, aǵymdaǵy jyldyń 1 maýsymynan bastap jumys berýshiler qaramaǵyndaǵy jumysshylardyń aılyǵynyń 1 paıyzyn mindetti əleýmettik medıtsınalyq saqtandyrý qoryna aýdara bastady.
«Qazirgi kezde, Aqmola oblysy boıynsha memlekettik kirister departamentiniń deregine səıkes aqmolalyqtar tarapynan mindetti əleýmettik medıtsınalyq saqtandyrýǵa 32 mıllıon teńge qarjy aýdaryldy. Bul qarajat Ulttyq bank esepshotyna jınalady», dedi Nurlan Aqylbekov.
Sonymen qatar, ol aýdarylǵan jarna kólemine baılanysty respýblıkanyń ər óńiri boıynsha reıtıng júrgiziletinin atap ótti. Qazirgi kezde respýblıka boıynsha bul kórsetkish 800 mıllıon teńgeni quraıdy. Sondaı-aq, Nurlan Aqylbekov medıtsınalyq saqtandyrý júıesiniń qazaqstandyq modeli durys jumys istep ketýi úshin shamamen 44 mıllıard teńge qajet ekenin de aıtty.
Jalpy, ózin ózi jumyspen qamtyp otyrǵan halyq 2018 jyldyń 1 qańtarynan bastap, tómengi eńbekaqysynyń 5 paıyzyn ekinshi deńgeıdegi bank nemese qazposhta bólimshesi arqyly aı saıyn aýdara alady.
