Aqmolalyqtar kóktemgi sý tasqynynyń aldyn alý sharalaryn bastady
KÓKShETAÝ. QazAqparat - Aqmola oblysynda ústimizdegi jyldyń 20 aqpanynan bastap kóktemde erigen qar sýyn qaýipsiz ótkizý jáne avtojoldarda kedergi týyndamaý úshin kópirler men sý ótkizetin qondyrǵylardy tazalaý jumystary bastaldy, dep habarlaıdy «QazAqparat» HAA tilshisi oblys ákimdiginiń baspasóz qyzmetine silteme jasap.
Qazgıdromettiń boljamyna sáıkes sý aǵysy normadaǵydan eki esege jýyq joǵary bolady dep kútilip otyrǵan Astana, Sileti jáne Shaǵalaly sý qoımalary erekshe baqylaýda ustalýda. Osyǵan baılanysty sý resýrstary komıtetimen birlesip, artyq qarǵyn sýdy aǵyzýdyń kestesi jasaldy.
Gıdrotehnıkalyq qondyrǵylarda shlıýzderdiń, kótergish mehanızmderdiń jáne taǵy basqa qural-jabdyqtardyń qatyp qalmaýyna jol bermeý úshin aldyn-alý sharalary qarastyrylýda. Boljam boıynsha Jabaı, Kolýton jáne Esil ózenderinde sý deńgeıiniń kóterilý qaýpi bar. Astrahan, Atbasar, Bulandy, Bulandy, Esil, Qorǵaljyn, Sandyqtaý, Tselınograd jáne Shortandy aýdandarynda ınjenerlik qorǵanys úshin 34 shaqyrym damba turǵyzyldy, sondaı-aq, ózenderde seńdi jarý jumystary júrgiziletin oryndar belgilendi.
Atbasar qalasyn kóktemgi sý tasqynynan qorǵaý úshin uzyndyǵy 8,9 shaqyrymdy qamtıtyn bóget salý jáne ony bekitý jumystary atqaryldy. «Novopek» JShS barlyǵy 52 myń dana qap daıyndaldy jáne qajet bolǵan jaǵdaıda onyń qosymsha qory jasaldy. 166,2 tonna janar-jaǵar maı, 18,2 tonnadan astam ınertti materıaldar daıyndaldy.
Arshaly aýdanynyń Jibek joly aýylyndaǵy «Bezymıannaıa» bógetin zertteı kele, eldi-mekendi tasqyn sýdan qorǵaý jáne sýdyń ózin burý maqsatynda ınjenerli sharalar qolǵa alynýda. Kóktem kezinde tótenshe jaǵdaılardy boldyrmaý maqsatynda oblystyq, qalalyq jáne aýdandyq bıýdjetten barlyǵy 101,5 mıllıon teńge, sý tasqyny týyndaı qalǵan jaǵdaıda 93,3 mıllıon teńge qarjy qarastyrylyp otyr. Sondaı-aq, yqtımal shuǵyl shyǵyndar úshin 778,5 mıllıon teńgeniń qory jasaldy.
