Aqmolalyqtar kógildir otynǵa qol jetkizýi múmkin
KÓKShETAÝ. QazAqparat - Aqmolalyqtardyń kógildir otynǵa qoly jetýi múmkin. Bul týraly aımaq basshysy Málik Myrzalınniń respýblıkany gazben qamtamasyz etýdiń jobasyn tanystyrý maqsatynda óńirge jumys saparymen kelgen «GLOBAL GAS REGAZIFIKATION» jaýapkershiligi shekteýli seriktestiginiń ókilderimen ótken kezdesýinde aıtyldy, dep habarlaıdy QazAqparat tilshisi.
Kezdesýde seriktestiktiń bas dırektory Saýlıdı Panaıetý LNG ınnovatsııalyq tehnologııasy negizinde balamaly energııanyń jańa kózin iske qosý jobasymen tanystyrdy. Elimizde ekologııa men qorshaǵan ortany lastanýdan saqtaý, halyqtyń densaýlyǵyn qorǵaý məselelerine zor kóńil bólinip keledi. Osy oraıda, ekologııalyq tazalyqtyń birden-bir kepili respýblıka aýmaǵyn gazdandyrý máselesi erekshe nazarda. Óıtkeni, gaz kómir men dızel otynyna qaraǵanda, zııandy qaldyqtardyń aýaǵa taralýyn 70-90 paıyzǵa azaıtady. Gaz stansasyn memlekettik-jekeshelik seriktestik baǵdarlamasy arqyly salý kózdelgen.
«Bizdiń jobamyz respýblıkany gazben qamtamasyz etýdiń bas josparyna sáıkes keledi. Osy maqsatta 2016 jyly Astana «Turan» stansasyn iske qostyq. Qazirgi kezde halyq onyń qyzyǵyn kórýde. Aqmola oblysynda LNG ınnovatsııalyq tehnologııasy negizinde 8 aýdanda jobany júzege asyrýdy kózdep otyrymyz. Jalpy, 2021 jyly bul joba tolyq júzege asyrylýy kerek. Birinshi kezekte Şýchınsk-Býrabaı kýrortty aımaǵyn gazdandyrýdy qolǵa alý kózdelgen. Joba qoldaý tapsa memlekettik-jekeshelik seriktestik baǵdarlamasy sheńberinde júrgiziledi. Kókshetaýda jylý energııa ortalyǵyn salý josparda baryn bilemiz. Biraq ta, gaz stansasyn salý odan góri anaǵurlym arzanǵa túsedi», - dedi Saýlıdı Panaıetý.
Óz kezeginde oblys ákimi atalǵan joba ekonomıkalyq jáne ekologııalyq jaǵynan alǵanda óńir turǵyndary úshin asa mańyzdy bolyp otyrǵanyn atap ótti. Sonymen qatar, jobany júzege asyrý úshin qajetti ruqsat etý qujattary men aqparatty usynýǵa kómektesetin bildirdi.
