Aqmolalyqtar eki jyl ishinde MÁMS-ke 6,5 mıllıard teńge aýdarǵan
Endi jarty jyl ótken soń qazaqstandyqtar QR Úkimeti jańadan bekitken mindetti áleýmettik medıtsınalyq saqtandyrý júıesi men kepildendirilgen tegin medıtsınalyq kómek sheńberinde kórsetiletin qyzmetter tizimi boıynsha medıtsınalyq kómek alady.
«Aqmola oblysynda kásipkerler men jumys berýshiler 317 478 turǵyn úshin 6,5 mıllıard teńge aýdardy. Bul óńir turǵyndarynyń 41 paıyzyn quraıdy. Respýblıka boıynsha jarnanyń jalpy sommasy 188,9 mıllıard teńgeni qurady. Jalpy, jospar boıynsha 2020 jyldyń 1 qańtaryna deıin mindetti áleýmettik medıtsınalyq saqtandyrý júıesi boıynsha medıtsınalyq kómekterdiń shyǵynyn jabý úshin barlyǵy 206 mıllıard teńge qarjy jınaý josparlanǵan.
«Jınalǵan qarjy keńeıtilgen medıtsınalyq qyzmetter tizilimi esebinen saqtandyrýshylarǵa tıimdi jaǵdaı jasaýǵa baǵyttalady. ıAǵnı, kepildendirilgen tegin medıtsınalyq kómek sheńberinde kórsetiletin qyzmetter tizilimimen salystyrǵanda turǵyndardyń medıtsınaǵa degen suranysy úrdisinen shyǵa alady», deıdi «Əleýmettik medıtsınalyq saqtandyrý qory» kommertsııalyq emes aktsıonerlik qoǵamy Aqmola fılıalynyń basshysy Nurlan Aqylbekov.
Sonymen qatar, mindetti áleýmettik medıtsınalyq saqtandyrý jarnasyna aqsha aýdarýǵa asyqpaǵan jumys berýshiler ósimaqy tóleýge májbúr boldy. Ósimaqynyń kólemi aǵymdyǵy jylǵy shildeniń 22-degi málimet boıynsha oblysta 18,6 mıllıon teńgeni qurady.
Aıta keteıik, osyǵan deıin habarlaǵanymyzdaı, bıyl Aqmola oblysynda medıtsına qyzmetkerlerine 30 paıyz ósimmen eńbekaqy tólendi. Birinshi kezekte eń tómengi aılyq alatyn medıtsına qyzmetkerleriniń eńbekaqysy kóterilip otyr.
