Aqmolalyqtar búkilálemdik «World clean up day» ekologııalyq aktsııasyna atsalysty
KÓKShETAÝ. QazAqparat - Aqmola oblysynda búkilálemdik «World clean up day» ekologııalyq aktsııasy ótýde, dep habarlaıdy QazAqparat tilshisi.
Oblys ortalyǵynda ótken aktsııaǵa Jastar resýrstyq ortalyǵynyń belsendileri, volonterler, stýdentter, memlekettik qyzmetshiler, kommýnaldyq kásiporyndardyń jumysshylary jáne qala turǵyndary qatysty.
Kókshetaý qalalyq Jastar resýrstyq ortalyǵynyń basshysy Ksenııa Androsovanyń aıtýynsha, Buqpa tóbesiniń aýmaǵy men baqylaý alańyn tazalaýǵa 150 astam adam qatysty.
«Volonterlerq qoqysty jınap qana qoıǵan joq, plastık, shyny jáne karton qaǵazdaryn bólip iriktedi. Aktsııaǵa qatysýshylardyń birazy Qostanaı baǵytyndaǵy tas joldyń boıyndaǵy qoqystardy jınady», - dep atap ótti Ksenııa Androsova.
Ekologoııa departamenti bastamashylyq tanytqan aktsııa Kókshetaý qalasynda, sondaı-aq, Tselınograd, Býrabaı, Zerendi jáne Atbasar aýdandarynda ótkizildi.
