Aqmolalyqtar #Birge#TazaQazaqstan ekologııalyq qozǵalysyn qoldady

Bul týraly aımaq basyshysynyń orynbasary Marat Iǵalıev óziniń Instagram paraqshasynda jarııalap, aqmolalyqtardy aǵymdaǵy jyldyń 27 shildesinde ótkizý josparlanyp otyrǵan #Birge#TazaQazaqstan ekologııalyq estafetasyna qatysýǵa shaqyrdy, dep habarlaıdy QazAqparat tilshisi oblystyq ishki saıasat basqarmasyna silteme jasap.

Aýqymdy aktsııanyń maqsaty - tabıǵat pen sý aıdyndarynyń lastanýy, tazalyqty saqtaý jáne ekologııalyq mádenıetti qalyptastyrý máselesine adamdardyń nazaryn aýdarý.

«Aktsııa aıasynda Kopa kóli men Qylshaqty ózeniniń jaǵalaýyn tazartý josparlanýda. Tańǵy saǵat 09:00-de jınalamyz, jınalý orny Qopa kóliniń jaǵalaýyndaǵy tikushaq alańy bolyp anyqtaldy», - deıdi M.Iǵalıev.

Іshki saıasat basqarmasynyń habarlaýynsha, qazirgi tańda daıyndalý jumystary júrgizilýde: marshrýttar anyqtaldy, qoqys shyǵarý úshin tehnıka bólindi, qaptar daıyndaldy.

Aktsııaǵa barlyǵy 15 myńnan asa adam qatysatyny josparlanǵan. Olardyń arasynda túrli qoǵamdyq birlestikterdiń ókilderi, qoǵam belsendileri, jastar, shaǵyn jáne orta bıznes ókilderi, bıýdjettik sala qyzmetkerleri, memlekettik qyzmetshiler bar.

Osy kúni chellendjge Aqmola oblysynyń barlyq eldi mekenderi qoldaý kórsetip otyr.

Esterińizge sala keteıik, 20 shildede Birge Taza Kazakhstan ekologııalyq qozǵalysy bastaldy. Ótken senbide ekologııalyq estafetany Ekologııa, geologııa jáne tabıǵı resýrstar mınıstri Maǵzum Myrzaǵalıev bastap berdi, oǵan QR Premer-Mınıstri Asqar Mamın, vıtse-premer Jeńis Qasymbek, Parlament depýtattary, Aqmola oblysynyń jáne Nur-Sultan qalasynyń ákimderi, birqatar mınıstrler, sondaı-aq Nur-Sultan qalasynyń jáne Aqmola oblysynyń turǵyndary qatysty.