Aqmolalyqtar bıatlonnan 3 altyn medal enshiledi
KÓKShETAÝ. QazAqparat - Aqmolalyq bıatlonshylar Qazaqstan Respýblıkasynyń jazǵy chempıonatynda úsh altyn medal ıelendi, dep habarlaıdy QazAqparat tilshisi.
Oblystyq dene shynyqtyrý jáne sport basqarmasy baspasóz qyzmetiniń málimeti boıynsha, Almaty oblysynyń «Alataý» shańǵy-bıatlon kesheninde bıatlonnan QR Jazǵy chempıonaty ótti. Jarysqa jasóspirimder men eresekter qatysty. Sportshylar sprınt, sınglmıks (1 qyz jáne 1 ul estafetasy) jáne bir-biriniń artynan júrý túrleri boıynsha sheberlikterin ortaǵa saldy. Aqmola oblysynan barǵan 11 bıatlonshy 10 medal oljalady. Onyń úsheýi «altyn».
Ásirese, Alına Slepenko men Petr Ermolenko (uldar men qyzdar) juby sınglmıks boıynsha jeńimpaz atansa, Anna Kıstanova men Tımýr Hamıtgatın juby úshinshi oryndy mise tutty. Oǵan qosa, jekeleı synda Petra Ermolenko kúmis, Alına Raıkova kúmis jáne qol medalǵa qol jetkizdi. Sondaı-aq, Roman Eremın kúmis medal oljalady.
Al, nysana kózdeý men jyldamdyǵy jaǵynan oza shapqan Anna Kıstanova 2 «altyn» jáne 1 «qola» júldege qol jetkizdi. Jarystyń osy túrinen Alına Slepenko da oblys qorjynyna qol medal saldy.
Jerlestermizdiń jeńiske jetýine aǵa jattyqtyrýshysy Gennadıı Makarov, nysana kózdeý boıynsha jattyqtyrýshylary Vıktor Chýrbakov pen Sergeı Raıkov jáne jastardyń aǵa jattyqtyrýshysy ıÝrıı Vıkýlov qomaqty úles qosty.
