Aqmolalyq ziltemirshiler el chempıonatynda top jardy
KÓKShETAÝ. QazAqparat – Aqmola oblysynyń tórt sportshysy onlaın rejımde ótken aýyr atletıkadan el chempıonatynda júldeger atandy, dep habarlaıdy QazAqparat tilshisi.
Oblystyq dene shynyqtyrý jáne sport basqarmasy baspasóz qyzmetiniń málimetinshe, pandemııaǵa baılanysty jarys onlaın formatta jastar men balǵyndar arasynda uıymdastyryldy. Tóreshiler de qashyqtyqtan jumys istedi.
«Aqmola oblysy atynan Atbasar, Stepnogor jáne Kókshetaý qalalarynan ziltemirshiler ónerlerin ortaǵa saldy. Onyń ishinde 87 salmaqta synǵa túsken Karına Quzǵynbaeva 214 keli (94+120) kóterip, chempıon atandy. Sonymen birge, 76 keli salmaqta Vıktorııa Novıkova - 174 kg (79+95), 96 keli salmaqta Aleksandr Sahnov - 250 kg (110+140) jáne 109 keli salmaqta Sergeı̆ Palagın - 264 kg (118+146) baǵyndyryp, «qola» júldege ıe boldy», - deıdi vedomstvodan.
