Aqmolalyq ziltemirshiler el chempıonatynda 3 altyn medal ıelendi
KÓKShETAÝ. QazAqparat - Aqmolalyq ziltemirshiler QR Eńbegi sińgen sport sheberi Anatolıı Hrapatyıdyń qurmetine arnalǵan jastar arasyndaǵy aýyr atletıkadan el chempıonatynda 3 altyn, 5 kúmis jáne 2 qola medal ıelendi, dep habarlaıdy QazAqparat tilshisi oblystyq dene shynyqtyrý jáne sport basqarmasynyń baspasóz qyzmetine silteme jasap.
Nur-Sultan qalasynda ótken jarysqa elimizdiń ár óńirinen 150-den astam sportshy qatysty.
«Jarys qorytyndysy boıynsha aqmolalyq sportshylar on medal ıelendi. Onyń ishine Dıana Júsipbekova (55 kg), Ekaterına Stolıarenko (71 kg) jáne Ráshıd Áskerov (+109 kg) altyn, Jalǵas Seıitov (62 kg), Sergeı Petrovıch (73 kg), Aıym Muhametjanova (49 kg), Jaslan Qalıev (81 kg) jáne Mıra Ahmetova (81 kg) kúmis, Tatıany Novak (59 kg) jáne Aleksandra ıAkovleva (64 kg) qol medalge qol jetkizdi. Al Mıra Ahmetova men Vladımır Kotov QR sport sheberiniń normatıvin oryndady», deıdi vedomstvonyń baspasóz hatshysy Mahabbat Bolshına.
Jerlesterimiz Aqmola oblysynyń aǵa jattyqtyrýshysy Batyrbek Ozdoev, jattyqtyrýshylar Sergeı Shevchenko, Djamalıdın Panahov, Dmıtrıı Chýrsın, Saǵyndyq Kenenbaev, Igor Vashanov, Erbol Meırmanov jáne Ksenııa Polýkarova jetekshiligimen jattyǵady.
