Aqmolalyq ziltemirshi el chempıonatynyń qola medal jeńip aldy
KÓKShETAÝ. QazAqparat - Aqmolalyq ziltemirshi qyzAıym Muhametjanova onlaın ótken aýyr atletıkadan Qazaqstan Respýblıkasynyń chempıonatynda qola medalge ıe boldy, dep habarlaıdy QazAqparat tilshisi.
Oblystyq dene shynyqtyrý jáne sport basqarmasynyń baspasóz hatshysy Mahabbat Bolshınanyń málimetinshe, bıylǵy jylǵy chempıonat erler men áıelder arasynda qashyqtan (onlaın) ótýde. Bul eń birinshiden pandemııaǵa baılanysty sportshylardyń qaýpsizdigin qamtamasyz etý.
Aqmola oblysynyń atynan jarysqa Kókshetaý, Stepnogor jáne Atbasar qalalarynan 18 ziltemirshi qatysty.
Áıelder arasynda 49 keli salmaqqa deıingiler arasynda Aıym Muhametjanova qos ádis boıynsha 122 (54+68) kelini baǵyndyryp qola júldeger atandy.
«Onlaın kúsh synasý ádettegiden ózgeshe. Biz úshin bul jańalyq. Jalpy, nátıjem kóńilimnen shyqty. Aldaǵy ýaqytta budan da jaqsy nátıje kórsetýge tyrysamyn», - deıdi A. Muhametjanova.
Aýyr atletıkadan Aqmola oblysynyń aǵa jattyqtyrýshysy Batyrbek Ozdoevtyń aıtýynsha, koronavırýstyń saldarynan sportshylar biraz ýaqyt jarystarǵa qatysa almaǵan. Onlaın formatta sportshynyń naqty deńgeıin anyqtaý múmkin emes eken.
«Mundaı formatta jarysqa qatysý atletshilerimizdiń tolyq ashylýyna múmkindik bermeıdi. Adam kóp jınalǵan jarystardy ózderin qalaı kórsetetini belgisiz», - deıdi B.Ozdoev.
