Aqmolalyq jedel járdem brıgadasy respýblıka boıynsha úzdik atandy
Vedomstvo məlimetinshe, jedel medıtsınalyq kómek kórsetý brıgadalarynyń ІІІ respýblıkalyq jarysyna Qazaqstan jəne Lıtva elinen jınalǵan komandalar qatysqan.
Onyń ishinde Aqmola oblysynyń jedel medıtsınalyq járdem brıgadasynyń komandasy eń úzdik atansa, ekinshi orynǵa Jambyl oblysy jəne úshinshi orynǵa Astana qalasynyń komandalary laıyq dep tanyldy.
QR Densaýlyq saqtaý mınıstri Eljan Birtanov jeńimpazdardy quttyqtaı kele, jedel medıtsınalyq járdem brıgadalary arasyndaǵy baıqaý buqaralyq is-shara, tótenshe jaǵdaılar kezinde jedel qyzmet kórsetýdiń qyr-syryn úırenýge septigin tıgizetinin atap ótti.
Mundaı təjirıbe dúnıejúziniń kóptegen elderinde qolǵa alynǵan. Osyndaı sharalar sımýlıatsııalyq oqý, jedel medıtsınalyq kómek kórsetýdi uıymdastyrý jəne komandada tıimdi jumys isteý boıynsha təjirıbe jınaqtap, ony elimizde qoldanysqa engizýge múmkindik beredi.
«Dəriger mamandyǵy, onyń ishinde jedel járdem qyzmetiniń dərigeri - qoǵamda úlken suranysqa ıe. Olardyń shıraq qımyly men sheshimi, kásibı sheberligi adam ómirin saqtap qalýda mańyzdy ról atqarady», - dep atap ótti Eljan Birtanov.
Sonymen qatar, ol dərigerlerge kásibı sheberlik, sezimtal júrek jəne altyn qoldarynyń arqasynda halyqtyń alǵysyna bólene berýge tilektestik bildirdi.