Aqmolalyq jastar synaq alýshylardy shyndyq detektorymen tekserýdi usyndy
Vedomstvonyń málimetinshe, kezdesý barysynda jobalyq keńseniń basshysy Erlaz Jaıyqbaev jastarǵa turmystyq jemqorlyqtyń týyndaýyna jol ashatyn jemqorlyq táýekelder týraly áńgimelegen. Onyń sózinshe, búgingi kúni kóptegen jastar kúndelikti ómirde jemqorlyq táýekelderin kórip júrip, neniń durys, neniń burystyǵyn bilmegendikten, ony joıýǵa baǵyttalǵan sharalardy qabyldamaıdy.
«Kezdesýge qatysyp otyrǵan bolashaq mamandar el ómirindegi mańyzdy strategııalyq sheshimderdi qabyldaý úshin qolynda kúsh jáne qajetti resýrstar bar ekenin elestetip, bilim, densaýlyq saqtaý, qurylys, áleýmettik qorǵaý, jer qatynastary sııaqty mańyzdy salalardaǵy turmystyq jemqorlyqtyń týyndaý sebepterin talqylap, olardy joıý sheshimderin usyndy.
Densaýlyq saqtaý salasynda barlyq oqý quraldarynda jemqorlyqqa qarsy kórnekilikterdi ornalastyrý, elektrondyq jýrnalǵa ata-analar men muǵalimderdiń hat almasýyna arnalǵan ashyq chat engizý, oqytý baǵdarlamasyna mindetti jemqorlyqqa qarsy pán engizý, muǵalimder men oqýshylardy jaqyndastyrýǵa baǵyttalǵan trenıngter ótkizý, jastar arasynda jemqorlyqqa qarsy sanany qalyptastyrýǵa baǵyttalǵan is-sharalarǵa kóbirek kóńil bólý sııaqty usynystar aıtyldy.
Tipti kútpegen oılar da aıtyldy. Mysaly, emtıhan qabyldaýshy mamandardy shyndyq detektory arqyly tekserý. Qatysýshylardyń oıynsha, bul olardyń emtıhan ótkizý barysyndaǵy jaýapkershiligin arttyrady», - deıdi Aqmola oblysy boıynsha QR Memlekettik qyzmet isteri jáne sybaılas jemqorlyqqa qarsy is-qımyl departamentiniń baspasóz hatshysy Jazıra Toqtar.
Kezdesýde memlekettik qyzmetke ornalasý, onyń tartymdylyǵyn arttyrý máselesi de sóz boldy. Erlaz Jaıyqbaev memlekettik qyzmettiń eń aldymen súıikti mamandyq, ar-namys isine aınalýy tıis ekenin jáne oǵan óz eliniń damýyna úles qosýǵa yntaly adamdar ǵana kelýi kerektigin atap ótti. Talqylaý barysynda qatysýshylar memlekettik qyzmetke qabyldaý úderisteriniń ashyqtyǵyna kóńil aýdardy. Múddeler qaqtyǵysyna jol bermeý úshin olar memlekettik qyzmetke irikteý barysyna genetıkalyq monıtorıng engizýdi usyndy. Jemqorlyqqa qarsy zańnamany qataıtý, laýazymdyq tulǵalardyń qyzmetine baqylaýdy kúsheıtý sııaqty usynymdar da tyńdaldy.
Kezdesý sońynda Erlaz Jaıyqbaev «Sanaly urpaq» klýby múshelerine belsendiligi úshin alǵys aıtyp, ózgeristerdi ár adam ózinen bastaý qajettigin atap ótti.