Aqmolalyq jastar «Elbasy medalimen» marapattaldy

KÓKShETAÝ. QazAqparat - Aqmola oblysynda jastar baǵdarlamasyna qatysýshy 29 jasqa «Elbasy medali» kúmis jáne qola deńgeıi tapsyryldy, dep habarlaıdy QazAqparat tilshisi.

Oblystyq bilim basqarmasynyń málimetinshe, medaldardy tabystaý rásimi júldegerlerdiń turǵylyqty jeri boıynsha barlyq sanıtarlyq normalardy saqtaı otyryp, jergilikti atqarýshy organdar ókilderiniń qatysýymen ótti.

Oblystaǵy alǵashqy kúmis medaldi P.Isakov atyndaǵy №1 Aqkól orta mektebiniń 11 synyp oqýshysy Nadejda Gaıvoronskaıa ıelendi. Nadejda Gaıvoronskaıa 12 aı boıy kúmis deńgeıdegi baǵdarlamany oryndap, laıyqty medal aldy.

«Baǵdarlamaǵa qatysa otyryp, jastar óz ýaqyttaryn basqarýǵa, maqsattar qoıýǵa, olarǵa júıeli túrde qol jetkizýge, salaýatty ómir saltyn ustanýǵa jáne únemi ózin-ózi damytýǵa úırenedi», - atap ótti uıymdastyrýshylar.

2020-2021 jyldary Aqmola oblysynyń 122 qatysýshysy qola medalǵa ıe bolsa, 1 qatysýshy kúmis medalmen marapattaldy.

«Elbasy medali» jobasyna qatysýǵa qabyldaý jalǵasýda!

Aıta keteıik, «Elbasy medali» - eldiń eń aýqymdy challenge bolyp tabylady. Qatysýǵa 14 pen 29 jas aralyǵyndaǵy jastar shaqyrylady. Qatysýshylar qola, kúmis nemese altyn deńgeılerin tańdap, 6 aıdan 18 aıǵa deıingi baǵdarlamany bastaýy kerek. Osy ýaqyt ishinde jastar óz daǵdylaryn sport, talanttar men daǵdylar, kitap oqý, ulttyq mura, volonterlik, ekspedıtsııalar men joryqtar, eńbek tájirıbesi tárizdi 7 baǵytta damytady.