Aqmolalyq jasóspirimder astanada jumys isteý úshin úılerinen ketip qalǵan
KÓKShETAÝ. QazAqparat – Aqmola oblysynda úsh jetkinshek aqsha tabý úshin Nur-Sultan qalasyna ketip qalǵan, dep habarlaıdy QazAqparat tilshisi óńirlik Polıtsııa departamentine silteme jasap.
«Ereımentaý aýdandyq polıtsııa bólimine 19 tamyz kúni balalardyń ata-analary kelgen. Olardyń aıtýynsha, 17 tamyz kúni jasóspirimder úıden shyǵyp ketip, qaıta oralmaǵan. Onyń ishinde ekeýi – mektep oqýshysy. Ýaıymǵa salynǵan ata-analar balalaryn bir kún kútip, keıin kómek surap barǵan», - dedi polıtseıler.
Ótinish túskennen keıin birneshe izdeý toby qurylyp, tártip saqshylary olardy aýdan ortalyǵynan, ormandy jáne sýly jerlerden izdegen. Dostary men tanystarynan jaýap alyndy.
«Sol kúni joǵalǵan jasóspirimder kórshi Torǵaı aýylynan tabyldy. Ol aýdan ortalyǵynan 40-45 shaqyrym qashyqtyqta ornalasqan. Balalardyń aıtýynsha, olar eldi mekenge deıin jol-jónekeı ketip bara jatqan kólikpen jetken. Biraq, olardyń josparynda elordaǵa baryp, jumysqa ornalasý bolǵan. Tártip saqshylary olardy polıtsııa bólimine jetkizip, áńgimelesý ótkizdi», - dedi vedomstvodan.
Eske salaıyq, birneshe kún buryn polıtseıler Ereımentaý aýdanyndaǵy 15 jastaǵy jasóspirimdi úıine qaıtardy. Ol ózdiginen Nur-Sultanǵa ketip qalǵan.
Avtor: Oksana Matasova
