Aqmolalyq voleıbolshylar el kýboginiń «kúmis» júldegeri atandy
KÓKShETAÝ. QazAqparat – Aqmolalyq voleıbolshylar Qazaqstan Respýblıkasy Chempıonaty kýboginiń «kúmis» júldegeri atandy, dep habarlaıdy QazAqparat oblystyq dene shynyqtyrý jáne sport basqarmasynyń baspasóz qyzmetine silteme jasap.
Vedomstvonyń málimetinshe, Óskemen qalasynda voleıboldan erler arasyndaǵy Qazaqstan Respýblıkasy Chempıonaty kýboginiń fınaldyq jarysy ótti. Básekege elimizdiń ár óńirinen jınalǵan segiz komanda qatysty. Onyń ishinde Aqmola oblysynyń atynan «Ushqyn Kókshetaý» komandasy baq synady.
«Jerlesterimiz el chempıony Almatynyń «Býrevestnık» komandasynan 3:2 basym tústi. Jartylaı fınalda aqmolalyqtar tarazdyq komandany 3:0 esebimen tize búktirdi. Tek fınalda atyraýlyq voleıbolshylardan ǵana utylyp, júldeli ekinshi oryn aldy. Chempıonattyń «úzdik oıynshysy» atalymy boıynsha Qanat Ǵabdýlın úzdik oıynshy atandy», - deıdi vedomstvonyń baspasóz hatshysy Mahabbat Bolshına.
