Aqmolalyq voleıbolshylar el chempıony atandy
KÓKShETAÝ. QazAqparat – Voleıboldan QR chempıonaty merziminen buryn aıaqtaldy. 48 upaı jınaǵan kókshetaýlyq «Ushqyn - Kókshetaý» voleıbol klýby birinshi oryn aldy, dep habarlaıdy QazAqparat tilshisi Aqmola oblystyq deneshynyqtyrý jáne sport basqarmasyna silteme jasap.
Vedomstvonyń málimetinshe, Qazaqstannyń voleıbol federatsııasy koronavırýs pandemııasyna baılanysty erler arasynda voleıboldan el chempıonatyn erte toqtatýǵa májbúr boldy.
«Chempıonatqa barlyǵy on komanda qatysty. Onyń ishinde «Ushqyn - Kókshetaý» voleıbol klýby týrnır kestesinde 48 upaımen birinshi orynda turdy. Sol sebepti kókshetaýlyq komanda - chempıon, al odan keıingi júldeli ekinshi jáne úshinshi oryndardy Oral jáne Qyzylorda komandalary ózara bólisti», - deıdi vedomstvonyń baspasóz hatshysy Mahabbat Bolshına.
«Ushqyn - Kókshetaý» komandasynyń kapıtany Qanat Ǵabdýllınniń aıtýynsha, maýsym komanda úshin sátti ótti.
«Biz jeńiske jetkenimizge óte qýanyshtymyz. Birlesip joǵary nátıjege qol jetkizdik», - deıdi K.Ǵabdýllın.
Elordada Qazaqstannyń voleıbol federatsııasy jeńimpazdardy marapattady.
Aqmola oblystyq oblystyq deneshynyqtyrý jáne sport basqarmasynyń basshysy Áset Búkibaev atap ótkendeı, qarsylastar óte myqty komandalar boldy.
Soǵan qaramastan, aqmolalyqtar jeńiske degen jiger tanytty.
