Aqmolalyq veloshabandoz Qazaqstan chempıony atandy
KÓKShETAÝ. QazAqparat - Aqmolalyq veloshabandoz Andreı Chýgaı Qazaqstan chempıony atandy, dep habarlaıdy QazAqparat tilshisi.
Aqmola oblysynyń dene shynyqtyrý jáne sport basqarmasynyń baspasóz hatshysy Mahabbat Bolshınanyń aıtýynsha, Nur-Sultan qalasynda erler arasynda trekten velosporttan Qazaqstan Respýblıkasynyń chempıonaty ótti.
Jarysqa Aqmola oblysynyń atynan qatysqan olımpıdalyq rezerv daıarlaıtyn №7 balalar men jasóspirimderdiń oblystyq mamandandyrylǵan mektebiniń tárbıelenýshisi Andreı Chýgaı úzdik nátıje kórsetti.
«Jerlesimiz Andreı gıtti kópsaıystan qarsylastaryn artqa tastap, el chempıon atandy. Ol tálimgeri Ivan Grınbergtiń jetekshiligimen jattyǵady», deıdi vedomstvonyń baspasóz hatshysy Mahabbat Bolshına.
Eske sala keteıik, búgin Nur-Sultan qalasynda velotrekten Silk Way Series Astana iri halyqaralyq týrnıri bastaldy. Mamyrdyń 15-16 kúnderine josparlanǵan jarysqa Ulybrıtanııa, Qytaı, Gonkong, Reseı, Ázirbaıjan, Ózbekstan, Ýkraına, Gollandııa, Ispanııa, Lıtva jáne Qazaqstannan 70 sportshy qatysyp baq synaýda.
Foto: olympic.kz
