Aqmolalyq veloshabandoz Andreı Chýgaı Qazaqstan chempıony atandy
KÓKShETAÝ. QazAqparat - Aqmolalyq veloshabandoz Andreı Chýgaı Qazaqstan chempıony atandy, dep habarlaıdy QazAqparat tilshisi oblystyq dene shynyqtyrý jáne sport basqarmasyna silteme jasap.
Vedomstvonyń málimetinshe, elordada trektegi velosporttan Qazaqstan Respýblıkasynyń chempıonaty ótken.
«Elimizdiń ár óńirinen jınalǵan kileń myqty veloshabandozdardyń arasynda Aqmola oblysy mamandandyrylǵan balalar men jasóspirimderdiń №7 olımpıadalyq rezerv mektebiniń tárbıelenýshisi Andreı Chýgaı qatysyp, úzdik nátıje kórsetti. Jerlesimiz «keırın» ádisi boıynsha jarys jeńimpazy atandy», - deıdi Aqmola oblystyq dene shynyqtyrý jáne sport basqarmasynyń baspasóz hatshysy Mahabbat Bolshına.
Andreı bapkeri Ivan Grınbergtiń jetekshiligimen jattyǵady.
