Aqmolalyq ustazdar halyqaralyq baıqaýda júldeger atandy
KÓKShETAÝ. QazAqparat - Aqmola oblysynyń ustazdary Halyqaralyq shyǵarmashylyq baıqaýynda komandalyq esepte júldeli úshinshi oryn aldy, dep habarlaıdy QazAqparat tilshisi oblystyq bilim basqarmasynyń baspasóz qyzmetine silteme jasap.
Vedomstvonyń málimeti boıynsha, jeltoqsannyń 1-2 kúnderi Almaty qalasynda Matematıka muǵalimderiniń respýblıkalyq qaýymdastyǵynyń uıymdastyrýymen matematıka, fızıka jáne ınformatıka pánderi boıynsha VII-shi Halyqaralyq shyǵarmashylyq baıqaýy ótti. Sharaǵa Qazaqstan, Ózbekstan jáne Qyrǵyzstan Respýblıkalarynan barlyǵy 170 muǵalim qatysty.
«Jalpy, komandalyq esepte Aqmola oblysy komandasy júldeli 3-shi oryn aldy. Onyń ishinde Býrabaı aýdanyndaǵy S.Seıfýllın atyndaǵy orta mekteptiń fızıka pániniń muǵalimi Dmıtrıı Lozınskıı 2-shi dárejeli dıplommen, Kókshetaýdaǵy M. Ǵabdýllın atyndaǵy №3 mamandandyrylǵan mektep-gımnazııasynyń ınformatıka pániniń muǵalimi Erkin Havdesh 3-shi dárejeli dıplommen marapattaldy. Sonymen qatar, oblystan barǵan 6 muǵalim pán boıynsha júıeli jáne sapaly jumysy maqtaý qaǵazyna ıe boldy», - deıdi vedomstvonyń baspasóz qyzmetindegiler.
