Aqmolalyq turǵyn jasyryn otbasylyq mereke týraly polıtsııaǵa habarlaǵan
KÓKShETAÝ. QazAqparat – Aqmola oblysynyń turǵyny demalys aımaǵynda ótip otbasylyq mereke týraly polıtsııaǵa habarlap, zań buzýshylyqty anyqtaýǵa kómektesken, dep habarlaıdy QazAqparat.
Aqmola oblystyq Taýarlar men kórsetiletin qyzmetterdiń sapasy men qaýipsizdigin baqylaý departamentinen málim etkendeı, 18 tamyzda Arshaly aýdanyndyq taýarlar men qyzmetterdiń sapasy men qaýipsizdigin baqylaý basqarmasyna aýmaqtyq polıtsııa bóliminen is materıaly túsken. Anyqtalǵandaı, polıtsııanyń kezekshilik bólimine belgisiz adam qońyraý shalyp, Jibek joly aýylynda kópshiliktiń qatysýymen otbasylyq is-shara ótkizilip jatqanyn aıtqan.
Solaısha, Aqmola oblysynyń bas sanıtarlyq dárigeriniń karantındik shekteý talaptary týraly qaýlysy buzylǵan.
«Polıtsııa qyzmetkerleri aıtylǵan oryn – «BEIBARYS» demalys aımaǵyna bardy. Kópshiliktiń qatysýymen is-shara ótkizilgendigi týraly aqparat rastaldy. Anyqtalǵandaı, kúıeý jigit pen qalyndyqtyń týystary otbasylyq is-shara ótkizgen. Osyǵan baılanysty demalys aımaǵy ıesiniń ústinen QR ÁQbK 425-babynyń 1-bóligi boıynsha ákimshilik is qozǵalyp, aıyppul salyndy. Kásipker kinásin tolyq moıyndap, óndiristi qysqartý quqyǵyn paıdalanyp, 115 aılyq eseptik kórsetkish kóleminde, ıaǵnı belgilengen aıyppuldyń 50 paıyzyn ótedi», - dedi vedomstvodan.
