Aqmolalyq turǵyn ıtin 5-qabattan laqtyryp jiberdi
KÓKShETAÝ. QazAqparat – Aqmola oblysynda besinshi qabattan ıtin laqtyryp jibergen turǵynǵa qatysty tergeý bastaldy, dep habarlaıdy QazAqparat tilshisi.
Ólgen ıttiń jáne ony kóterip áketip bara jatqan er adamnyń sýreti men vıdeosy áleýmettik jelide tarady. Jazba avtorynyń sózinshe, oqıǵa Stepnogorsk qalasynda bolǵan.
«Turǵyn mas kúıinde ıtti 5-qabattan laqtyryp jiberdi.... Itti jaqyn mańdaǵy qaraýsyz qalǵan jerge kóme saldy. Qan izderin jasyrýǵa tyrysty...», - delingen jazbada.
Osy rette, Aqmola oblystyq Polıtsııa departamentiniń baspasóz qyzmetinen málim etkendeı, janýarlarǵa qatygezdik tanytý faktisi boıynsha Qylmystyq kodekstiń 316-babymen sotqa deıingi tergeý amaldary bastalǵan.
