Aqmolalyq turǵyn adam óltirip, máıittiń ústine beton quıyp tastaǵan

KÓKShETAÝ. QazAqparat - Aqmola oblysynyń turǵyny adam óltirip, máıittiń ústine beton quıyp tastaǵan. Er adam 5 jyldan keıin qylmysyn moıyndap, polıtsııaǵa keldi, dep habarlaıdy QazAqparat.

Aqmola oblystyq Polıtsııa departamenti baspasóz qyzmetiniń málimetinshe, bıylǵy 3 qyrkúıekte Atbasardyń 53 jastaǵy jergilikti turǵyny polıtsııaǵa kelip, qylmys jasaǵanyn moıyndaǵan. Er adamnyń sózinshe, ol 2017 jyldyń shildesinde Tselınograd aýdanynyń Talapker aýylynda ózimen birge jumys istep júrgen 49 jastaǵy er adamdy óltirgen. Qylmysyn jasyrý úshin ózderi qurylysyn júrgizip jatqan úıde máıittiń ústine beton quıyp tastaǵan.

«Er adam qylmysqa ózara sózge kelispeı qalǵannan barǵanyn aıtty. Keıin óltirgen adamnyń denesin jasyrǵan oryndy kórsetti, ol jerden adamnyń súıekteri tabyldy.

Qazirgi ýaqytta adam óliminiń naqty sebebin anyqtaý maqsatynda sot-medıtsınalyq saraptama taǵaıyndaldy. Oqıǵa ornynan zattaı aıǵaq retinde balǵa (kývalda) tárkilendi. Tselınograd aýdandyq polıtsııa bólimi osyǵan baılanysty Qylmystyq kodekstiń 99-baby «Adam óltirý» boıynsha sotqa deıingi tergeý amaldaryn qolǵa aldy. Kúdikti ýaqytsha ustaý ızolıatoryna qamaldy», - dedi vedomstvodan.