Aqmolalyq trıatlonshy Azııa chempıony atandy
BІShKEK. QazAqparat - Qyrǵyzstanda trıatlonnan ótken Azııa kýbogy men Ortalyq Azııa chempıonatynyń tarıhyndaǵy alǵashqy altyn medaldi aqmolalyq sportshy jeńip aldy, dep habarlaıdy QazAqparat tilshisi.
Kásipqoı sportshylar dara jaryspen «sprınt» júgirdi, al áýesqoılar olımpıadalyq qashyqtyqtarda dara jaryspen ári komandalyq estafeta boıynsha jarysty. Budan bólek, jasóspirim ul-qyzdar úshin «Sýper sprınt» qashyqtyǵynyda jarystar boldy.
Trıatlonnan Azııa kýbogy men Ortalyq Azııa chempıonatynyń Sholpan Ata qalasynda ótýine Azııa Trıatlon Konfederatsııasy (ASTC) men Halyqaralyq Trıatlon Odaǵy (ITU) muryndyq boldy. Ystyqkóldiń jaǵasynda Belarýs, Iran, Ispanııa, Italııa, Kazaqstan, Kanada, Katar, Qyrǵyzstan, Reseı, Sırııa, Ózbekstan jáne Ýkraına elderiniń atletteri saıysqa tústi.
Qazaqstan Trıatlon federatsııasynyń málimetinshe, bizdiń elden 8 er adam men 2 áıel qatysqan. Jalpy, qazaqstandyq 10 sportshy synǵa túsken. Jerlesterimizdiń kópshiligi Sholpan Atada joǵary nátıje kórsetken. Al aqmolalyq Aıan Beısenbaev erler arasynda Azııa chempıony atandy.
