Aqmolalyq tórt bıatlonshy ulttyq qurama sapyna endi
KÓKShETAÝ. QazAqparat - Aqmolalyq tórt bıatlonshy Qazaqstan ulttyq quramasy sapynda bıylǵy jyldyń qańtarynda ótetin halyqaralyq jarysta óner kórsetedi, dep habarlaıdy QazAqparat tilshisi.
Aqmola oblysynyń dene shynyqtyrý jáne sport basqarmasy baspasóz qyzmetiniń deregi boıynsha, jaqynda bıatlonnan Qazaqstan Respýblıkasy qurama komandasynyń sapynda 2019 jyldyń qańtar aıynda halyqaralyq jarystarda el namysyn qorǵaıtyn sportshylar anyqtaldy.
«Osyǵan deıin aıtylǵandaı qurama sapy bıatlonnan Əlem kýbogi jəne IBU kýbogi kezeńderi, sondaı-aq, Almatyda ótken QR chempıonatynyń qorytyndysy boıynsha anyqtaldy. Onyń ishinde Qazaqstan quramasyna Aqmola oblysynan tórt bıatlonshy endi.
Naqtyraq aıtsaq, IBU kýbogine Aleksandr Mýhın, Əlem kýbogine erler arasynda Roman Eremın men Petr Ermolenko, al əıelder arasynda Anastasııa Kondrateva qatysady», deıdi vedomstvonyń baspasóz qyzmeti.
Aslan Ospanov
