Aqmolalyq temirjolshylar Joldaýdy tikeleı translıatsııa arqyly tyńdady
Búgingi tańda elimizdegi temir jol salasy Qazaqstan ekonomıkasynyń kúre tamyry retinde keń baıtaq elimiz boıynsha júk jáne jolaýshylar tasymaldaýdy qamtamasyz etýde. Sondaı-aq, bolat jol boıynyń tarlandary memlekettiń áleýmettik jáne ekonomıkalyq damýyna da zor úles qosýda. Elbasynyń bıylǵy Joldaýyn uıyp tyńdaǵan temirjolshylar mańyzdy qujatta kóterilgen mindetterdi zor yqylaspen qabyldady. Ásirese, halyqtyń áleýmettik jaǵdaıyn kóterýge, baspana máselesin sheshýge baǵyttalǵan ıgi bastamalaryna rızashylyqtaryn bildirdi. Sonymen qatar, aqmolalyq temirjolshylar Elbasynyń buǵan deıingi Joldaýynda temirjol salasyna júktelgen asqaraly mindetterdi oryndaýǵa laıyqty úles qosatyndyqtaryn jetkizdi.
- Prezıdent óziniń bıylǵy Joldaýynda ekonomıkalyq kórsetkishi joǵary, damyǵan 30 elmen ıyq tirestirýge umtylýymyz qajettigin taıǵa tańba basqandaı atap ótti. Bul árıne, temir jol salasyna da tikeleı qatysty. Óıtkeni, kez kelgen eldiń ekonomıkasynyń damýynda temir jol salasynyń alar úlesi salmaqty. Ujym aýmaǵynda «Ajdar jáne K» óndiristik kooperatıvi, «Tulpar-Talgo», «Lokomotıv qurastyrý zaýyty», «Báıterek» jaýapkershiligi shekteýli seriktestikteri men ózge de kásiporyndar temir jol kóligi salasynyń tıimdi jumys isteý úshin óz úlesterin qosýda. Osyndaı joǵary kórsetkishterge qol jetkizip, elimiz ekonomıkasynyń damýyna ózinshe úles qosyp júrgen aqmolalyq temirjolshylar da Elbasynyń saıasatyn qoldaıdy da, qýattaıdy da, - dedi óz sózinde «Qazaqstan temir joly» Ulttyq kompanııasy» aktsıonerlik qoǵamynyń fılıaly Aqmola magıstraldyq jelileri bólimshesiniń personalmen jumys isteý bóliminiń basshysy Almagúl Shirkimbaı.
Jol bólimshesi Soltústik Qazaqstannyń úsh iri óńirine transporttyq qyzmet kórsetedi. Petropavl jáne Reseı Federatsııasy Ońtústik Ýral temir jolynyń Zaýrale, Novoıshım, Qostanaı jol bólimshesiniń Esil, Pavlodar jol bólimshesiniń Ereımentaý, Qaraǵandy jol bólimshesiniń Sorokovoı stantsııalarymen shektesedi. Bólimshe júkterdi tasymaldaýdy, tranzıttik júkterdi ótkizýdi, vagondardy daıyndap, olardyń berilýin qamtamasyz etedi. Jiti qımyl tanytýdyń nátıjesinde júk aınalymy men jolaýshy tasymaly da jyl ótken saıyn artyp otyr. Jalpy, elimizdegi temir jol salasynda budan basqa da atqarylyp jatqan oń ister jeterlik. Osynyń bári Prezıdent Nursultan Nazarbaevtyń salıqaly saıasatynyń arqasynda qol jetkizip otyrǵan jetistikter, dep biledi «Qazaqstan temir joly» Ulttyq kompanııasy» aktsıonerlik qoǵamynyń fılıaly Aqmola magıstraldyq jelileri bólimshesiniń ujymy.
Sonymen qatar, aqmolalyq temirjolshylar bolat joldyń dúrsili el ekonomıkasynyń júrek qaǵysy, el ekonomıkasynyń ózegi, memleketimizdiń qýatty júıesi dep tanı biletin Elbasyna shynaıy rızashylyqtaryn bildirdi.
