Aqmolalyq tártip saqshylary qylmysty izdestirý barysynda ken óńdeý tsehyn tapty

ASTANA. QazAqparat – Aqmola oblysynyń tártip saqshylary urlyq faktisin tergeý barysynda Stepnogorsk qalasynyń turǵynynan ken óńdeý tsehyn tapty, – dep habarlaıdy QazAqparat Polisia.kz-ke silteme jasap.

25 tamyz kúni Stepnogorsk qalasy Polıtsııa basqarmasynyń kezekshi bólimine 36 jastaǵy jergilikti turǵyn shaǵym túsirgen.

Onyń aıtýynsha, belgisiz bireýler 24 tamyzǵa qaraǵan túni áıeldiń úıine urlanyp kirip, quny 793 400 teńge bolatyn altyn buıymdardy urlap ketken.

Bul fakt QR QK-niń 188-baby 3-bóligi (urlyq) boıynsha sotqa deıingi tergep-tekserýlerdiń biryńǵaı tizilimine engizildi.

Jedel-izdestirý is-sharalary barysynda kúdiktiniń kim ekeni anyqtaldy. Ol buryn birneshe ret sottalǵan 47 jastaǵy jergilikti turǵyn bolyp shyqty jáne ol ýaqtsha ustaý ızolıatoryna qamaldy. Zattaı dáleldemeler – eki altyn alqa tárkilendi. Kúdikti qalǵan altyn buıymdardy eritip, affınaj jasap, Stepnogorsk qalasynyń turǵynyna tapsyrǵanyn aıtty.

27 qazan kúni Stepnogorsk qalasy Polıtsııa basqarmasy men Aqmola oblysynyń tártip saqshylary birlesip, qalada 49 jastaǵy jergilikti turǵynnyń basqarýyndaǵy Volkswagen Touareg avtokóligi toqtatqan.

Kúdiktini tintý barysynda er adamnan 1 193 500 teńge jáne sary tústi untaq zaty bar eki plastıkalyq shólmek tárkilendi. Sanktsııalanǵan tintý barysynda Aqsý kentindegi sharýashylyq qurylysynan eki usatqysh stanok (shynjyrly jáne judyryqshaly), bir jýǵysh, quramynda altyn bar metall vanna, bir shoıyn vanna, quramynda altyny bar materıal salynǵan 31 qap jáne elektrondyq tarazy tabylyp, tárkilendi.

Ustalǵan adamnyń aıtýynsha, ol osy jyldyń kókteminde kvarts kenin óńdeý tsehyn uıymdastyrǵan. Osy faktige sáıkes QR QK-niń 295-1-baby 1-bóligi boıynsha «Baǵaly metaldar men asyl tastardyń, quramynda baǵaly metaldary bar shıkizat taýarlarynyń zańsyz aınalymy» boıynsha sotqa deıingi tergeý júrgizilýde.

Saraptama taǵaıyndaldy. Tergeý jalǵasýda.

Foto: polisia.kz