Aqmolalyq taekvondshylar halyqaralyq týrnırde top jardy
KÓKShETAÝ. QazAqparat - Aqmola oblysynyń taekvondshylar halyqaralyq týrnırde 2 altyn, 3 kúmis jáne 1 qol medal ıelendi, dep habarlaıdy QazAqparat tilshisi.
Aqmola oblysynyń deneshynyqtyrý jáne sport basqarmasynyń baspasóz hatshysy Mahabbat Bolshınanyń aıtýynsha, Almaty qalasynda WT taekvonda boıynsha halyqaralyq týrnır ótti. Jarysqa elimizdiń ár óńiri men shet elderden kelgen barlyǵy 750 jýyq sportshy qatysty. Onyń ishinde aqmolalyq sportshylar joǵary nátıje kórsetti.
«Alty dúrkin álem chempıony Mustafa Óztúrikti eske alýǵa arnalǵan týrnırge 14 aqmolalyq jas taekondshy qatysyp, baq synady. Jarys qorytyndysy boıynsha 44 keli salmaqtaǵylar arasynda Kámıla Qaıyrgeldi men 24 keli salmaqta synǵa túsken Dáneker Kenjebaı jarys jeńimpazy atandy. Sonymen qatar Kenjebaı Madııar (37 kg), Arýjan Sákenov (59 kg), 6-7 jastaǵylar arasynda Batyrhan Ýrmanov kúmis, Ersultan Dúısembın (78 kg) qol júldege ıe boldy. Buǵan qosa, Bekzat Smaǵulov «Jeńiske degen jigeri» atalymyna laıyq dep tanyldy. Sportshylardy tájirıbeli tálimgerler Erjan Ýrmanov pen Ǵalymjan Myrzageldi jattyqtyrady», - deıdi Mahabbat Bolshına.
