Aqmolalyq taekvondoshylar respýblıkalyq týrnırde 24 medalǵa qol jetkizdi
KÓKShETAÝ. QazAqparat - Aqmola oblysynyń Şýche qalasynda taekvondo WT boıynsha ashyq respýblıkalyq týrnır ótti, dep habarlaıdy QazAqparat tilshisi.
«Jaqsy-1» sport kesheninde uıymdastyrylǵan týrnırge elimizdiń ár óńirinen jınalǵan 200-den astam sportshy qatysyp, shyǵys jekpe-jegi boıynsha óz ónerlerin ortaǵa saldy. Onyń ishinde aqmolalyqtar ár deńgeıdegi 24 medalǵa qol jetkizdi. Jattyqtyrýshylar jeńis taza eńbektiń arqasynda kelgennin aıtýda.
«Jarystaǵy jetistigimiz bul bizdiń tynymsyz eńbegimizdiń nátıjesi. Ár jarysta namysty qoldan bermes úshin aıanbaı ter tógýge tyrysamyz. Bul joly da solaı jasadyq. Nátıjesinde sonyń jemisin kórip otyrmyz», - deıdi taekvondodan Aqmola oblysynyń bas jattyqtyrýshysy Erjan Ormanov.
