Aqmolalyq T.Qadyrqulov jeńil atletıkadan Qazaqstan chempıony atandy

Óskemen qalasynda Olga Rypakova atyndaǵy jeńil atletıka ortalyǵynda Qazaqstan chempıonaty ótti.

Jarys alańyna Aqmola oblysy atynan shyqqan Tahırjan Qadyrqulov úsh attap sekirýden altyn, uzyndyqqa sekirýden qola medalǵa qol jetkizdi.
Sonymen qatar, aqmolalyq Inna Agoeva da qyzdar arasynda úsh attap sekirý boıynsha úshinshi orynnan kórindi.
Aqmola oblystyq sport jáne dene shynyqtyrý basqarmasynyń joǵary sporttyq sheberlik mektebiniń mamandary bergen málimetke qaraǵanda Tahırjan osydan bir apta buryn jeńil atletıkadan eresekter arasynda ótken jarysta qola júldeger atanǵan bolatyn.
Aıta keteıik, Tahırjan men Innany tájirıbeli bapkerler Vasılıı Chýıko men Almagúl Ádilova jattyqtyrady.