Aqmolalyq stýdentter TMD eń úzdik jas ǵalymdar qatarynan kórindi

KÓKShETAÝ. QazAqparat - Shoqan Ýálıhanov atyndaǵy Kókshetaý memlekettik ýnıversıtetiniń stýdentteri TMD ǵylymı-bilim berý mekemeleriniń arasyndaǵy «Eń úzdik jas ǵalym-2020» halyqaralyq jobasynyń qorytyndysy boıynsha eń úzdik jas ǵalym atandy, dep habarlaıdy QazAqparat tilshisi oblystyq saıasat basqarmasyna silteme jasap.

Bilim ordasynyń stýdentteri Aslan Ábýtálipov jáne Balnur Qarasaı ǵylym men bilimniń damýyna úles qosqan «Eń úzdik jas ǵalym-2020» halyqaralyq jobasynyń birinshi deńgeıli dıplomy jáne «Eń jas ǵalym-2020» halyqaralyq jobasynyń tós belgisimen marapattaldy.

Jobanyń basty maqsaty – jas ǵalymdardyń mańyzdy ınnovatsııalyq jobalaryn tańdaý, ǵylymı qyzǵýshylyǵyn arttyrý, TMD elderi jáne ǵylymdy damytý úshin birleske platforma qurý bolyp tabylady.

«Atalmysh joba jyl saıyn ótkizilip turady. Qatysýshylar ǵylym, óner jáne sport taqyryptary boıynsha óz jumystaryn usyndy. Sonymen birge, qoǵamdyq jastar qozǵalysynyń kóshbasshylary jáne tóraǵalary úshin arnaıy atalym usynyldy. Biz ǵylymı jobalar boıynsha úzdik nátıje kórsetken stýdentterdi quttyqtaımyz», - dedi ýnıversıtetten.

Ǵylymı jobalardyń materıaldary elderiniń «Eń úzdik jas ǵalym-2020» II halyqaralyq kitap baspasynda jarııalandy.