Aqmolalyq sportshylar respýblıkalyq spartakıadada 14 altyn medal aldy
KÓKShETAÝ. QazAqparat-Múmkindigi shekteýli aqmolalyq sportshylar respýblıkalyq spartakıadada 14 altyn medalǵa qol jetkizdi, dep habarlaıdy QazAqparat tilshisi.
Oblystyq deneshynyqtyrý jáne sport basqarmasynyń baspasóz qyzmeti bergen derekterge qaraǵanda, osy kúnderi Atyraý qalasynda múmkindigi shekteýli sportshylardyń arasynda 5-shi respýblıkalyq spartakıada ótýde. Oǵan elimizdiń ári óńirinen kelgen sportshylar qatysyp, baq synaýda. Onyń ishinde aqmolalyqtar toǵyz qumalaq, shahmat, doıby, pnevmatıkalyq vıntovkadan nysana kózdeý, sýda júzý jáne júgirý sııaqty sporttyń 11 túrinen jarysýda.
Qulaq kemistigi bar, tirek qımyl apparaty buzylǵandar arasynda ótip jatqan dodada aqmolalyqtar komandalyq esepte 14 altyn, 11 kúmis jáne 5 qolǵa medalǵa qol jetkizdi. Alda áli jarystyń bir aptasy bar. Endeshe, Aqmola oblysy quramasynyń qorjynyna áli biraz medal túsýi múmkin.
