Aqmolalyq sportshy jatyp shtang kóterýden Azııa chempıony atandy
KÓKShETAÝ. QazAqparat - Aqmolalyq sportshy Sergeı Vaıgant Fılıpın elinde ótken Azııa chempıonatynda altyn medalǵa qol jetkizdi, dep habarlaıdy QazAqparat tilshisi.
Oblystyq deneshynyqtyrý jáne sport basqarmasy baspasóz qyzmetiniń málimeti boıynsha Kesson qalasynda álemniń 20 elinen jınalǵan sportshylar arasynda jatyp shtang kóterý boıynsha Azııa Chempıonaty ótti.
105 keli salmaqqa deıingiler arasynda ótken jarysta jerlesimiz Sergeı Vaıgant 300 keli nətıjesimen jarys jeńimpazy atandy. Sonymen qatar, ol absalıýtti esep boıynsha qol medal ıegeri atandy.
Sergeıdiń jattyqtyrýshysy, əlem chempıony, úsh dúrkin Azııa chempıony Kırıll Pavlenkonyń sózine qaraǵanda baıraqty dodaǵa Aqmola oblysynan 5 sportshy qatysqan. Onyń ishinde Sergeı Vaıganttyń baby men baǵy qatar shapty.
"Jalpy, biz úzdik úshtikke kirýdi maqsat tuttyq. Bul biz úshin úlken kórsetkish edi. Degenmen Sergeı eshteńege qaramastan baryn salyp, jeńis tuǵyrynan kórindi", dep qýanyshymyn bólisti Kırıll Pavlenko.
Eske sala keteıik, jatyp shtang kóterý boıynsha Azııa Chempıonaty qyrkúıektiń 12-ne deıin jalǵasatyn bolady.
