Aqmolalyq sportshy semserlesýden Azııa chempıonatynda júldeger atandy
KÓKShETAÝ. QazAqparat - Aqmolalyq sportshy Aleksandr Savın Taıland elinde ótken semserlesýden Azııa chempıonatynda qola júldeger atandy, dep habarlaıdy QazAqparat tilshisi oblystyq dene shynyqtyrý jáne sport basqarmasynyń baspasóz qyzmetine silteme jasap.
Vedomstvonyń málimetishe, Bangkokte ótip jatqan baıraqty jarysqa Azııa elderinen jınalǵan 61 sportshy qatysyp, baq synady.
«Semserlesý U-23 týrnırinde Qazaqstan ulttyq quramasy sapynda Aqmola oblysynan barǵan Aleksandr Savın men Erlik Sertaı óner kórsetti. Onyń ishinde Aleksandr úzdik nátıje kórsetip, júldeli úshinshi orynnan kórinse, Erlik 22-shi orynǵa turaqtady», deıdi vedomstvonyń baspasóz qyzmeti.
