Aqmolalyq sportshy kir tasyn kóterýden Qazaqstan rekordyn ornatty
KÓKShETAÝ. QazAqparat - Aqmolalyqtar gır sporty boıynsha el birinshiliginde eki altyn medal jeńip alsa, Merýert Súleımenova Qazaqstan rekordyn ornatty, dep habarlaıdy «QazAqparat» HAA Aqmola oblystyq dene shynyqtyrý jáne sport basqarmasynyń baspasóz hatshysy Mahabbat Bolshınaǵa silteme jasap.
Taldyqorǵanda gır sporty boıynsha Qazaqstan Respýblıkasynyń chempıonaty aıaqtaldy. Jarysqa respýblıkanyń barlyq oblystarynan 200-ge jýyq adam kelgen.
Aqmola oblysynan 13 sportshy qatysty. Birden eki aqmolalyq chempıon boldy. 63 keli salmaq dárejesinde - QR sport sheberi Denıs Dolgashovke teń keler sportshy bolmady.
Sondaı-aq, halyqaralyq dárejedegi sport sheberi Merýert Súleımenova 63 keli salmaq dárejesinde úzdik atandy. Ol «Julqa kóterý» jattyǵýynda 152 ret kóterip, Qazaqstan rekordyn ornatty. 
Eki sportshy da qazan aıynda Latvııada ótetin gır sportshy boıynsha álem chempıonatyna qatysýǵa lıtsenzııa aldy.
95+ salmaq dárejesinde Nıkolaı Şerbının men 58 kelidegi salmaq dárejesinde Vıktorııa Merentsova kúmis júldege ıe boldy.
«Qola» medaldi Vladıslav Bolýhın (63 kg), Pavel Zaharchýk (85 kg) pen Álibek Janbolat (85+) jeńip aldy. 
Sportshylardy jarysqa Sergeı Prohorov, Ashat Áshimov, Saltanat Halıbek jáne Baqtııar Jumabekov daıyndady.
Ardagerler arasynda 50 jastaǵy Ashat Áshimov (85 kg) qola júlde aldy.
