Aqmolalyq shańǵyshy Shyǵys Eýropa qurlyqtyq kýbogynyń qola júldegeri atandy
KÓKShETAÝ. QazAqparat - Aqmolalyq shańǵyshy Shyǵys Eýropa qurlyqtyq kýbogynyń qola júldegeri atandy, dep habarlaıdy QazAqparat tilshisi.
Aqmola oblysy dene shynyqtyrý jáne sport basqarmasynyń baspasóz hatshysy Mahabbat Bolshınanyń málimetinshe, Almaty oblysynyń Talǵar qalasynda shańǵy jarysynan Shyǵys Eýropa qurlyqtyq kýbogynyń VI kezeńi ótti. Jarysqa Qazaqstan, Reseı, Qyrǵyzstan jáne Marokko 70-ten astam shańǵyshy qatysty.
«Jekeleı jarysta Aqmola oblysynyń úmiti Tamara Ebel qola júldegeri atandy», - dedi Aqmola oblysy dene shynyqtyrý jáne sport basqarmasynyń baspasóz hatshysy Mahabbat Bolshına.
Aıta keteıik, jyl saıyn Halyqaralyq shańǵy federatsııasynyń qoldaýymen Shyǵys Eýropa kýbogynyń 7 kezeńi ótkizilip keledi. Munda Qazaqstan, Belarýs, Reseı jáne Ýkraına sportshylary halyqaralyq reıtıngte óz deńgeıin arttyryp, Álem kýbogyna qosymsha kvotalardy sarapqa salady.
