Aqmolalyq Regına Maksımova Álem chempıonatynda kúmis enshiledi
KÓKShETAÝ. QazAqparat - Aqmolalyq sportshy Regına Maksımova Reseıde ótken erler men áıelder arasynda qoıan-qoltyq urystan 5-shi álem chempıonatynda kúmis júldeger atandy, dep habarlaıdy QazAqparat tilshisi.
Oblystyq dene shynyqtyrý jáne sport basqarmasynyń málimetinshe, baıraqty jarys Sankt - Peterbýrg qalasynda ótti. Básekede álemniń 37 elinen jınalǵan 200 astam sportshy sheberlikterin ortaǵa saldy.
«Jarys 19 salmaq boıynsha (onyń 10 erler jáne 9 áıelder arasynda) uıymdastyryldy. «Jekpe-jek» erejesi boıynsha 19 jup medal jáne «ózin-ózi qorǵaý» erejesi boıynsha 12 jup medal sarapqa salyndy.
Ulttyq qurama sapyndaǵy Regına Maksımova 65-ten joǵary salmaqtaǵylar arasynda kúmis júldeger atandy.
Jattyqtyrýshylary Aslan Zeınollaev pen Jaslan Jantasovtyń sózinshe, Regına «jekpe-jek» erejesi boıynsha tatamıge shyqty», -deıdi vedomstvonyń baspasóz hatshysy Mahabbat Bolshına.
