Aqmolalyq polıtseıler joldyń shetindegi jyraǵa qulaǵan kólikke kómekke keldi
KÓKShETAÝ. QazAqparat - Aqmola oblysynda polıtsııa qyzmetkerleri joldyń shetindegi jyraǵa qulaǵan «Gazel» kóligiń júrgizýshisine kómektesti, dep habarlaıdy QazAqparat tilshisi.
Oblystyq polıtsııa departamenti baspasóz qyzmetiniń málimetinshe, «Qostanaı-Áýlıekól-Surǵan» avtojolynyń 24-shaqyrymynda «Gazel» avtokóligi joldan shyǵyp, jyraǵa qulaǵany týraly habar tústi.
Oqıǵa ornyna patrýldik polıtsııa batalonynyń qyzmetkerleri baryp, qıyn jaǵdaıǵa tap bolǵan júrgizýshige kómek kórsetti.
«Anyqtalǵandaı, er adam Qostanaı qalasynan Almatyǵa taýar tasymaldaýmen aınalysqan. Polıtsııa aǵa leıtenanty Aqyl Sekenov pen polıtsııa leıtenanty Mırat Sháıimov apatqa ushyrǵan kólik júrgizýshisin jaqyn mańdaǵy qonaq úıge jetkizdi. Ózderi «Tulpar-16» patrýliniń ekıpajy aýa raıynyń nasharlaýyna baılanysty avtojoldy jabý úshin patrýldeý marshrýtyna attandy. Sonymen birge, polıtsııa qyzmetkerleri túni boıy júktiń saqtalýyn jáne jol qaýipsizdigin qamtamasyz etý úshin aptqa ushyraǵan kóliktiń janynda boldy», - dedi vedomstvodan.
Kelesi kúni tańerteń tártip saqshylary jol qyzmetkerleri jáne jergilikti turǵyndardyń kómegimen «Gazel» shyǵaryp, Esil qalasyndaǵy jyly boksqa jetkizdi.
Kólik júrgizýshisi ózine der kezinde kómek kórsetken polıtsııa qyzmetkerlerine alǵysyn aıtty.
