Aqmolalyq polıtseıler teraktiden zardap shekken áriptesteriniń otbasylaryna bir kúndik eńbekaqysyn aýdardy

KÓKShETAÝ. QazAqparat - Aqmolalyq polıtseıler Almatydaǵy terakti kezinde qaza bolǵan jáne zardap shekken áriptesteriniń otbasyna bir kúndik eńbekaqysyn aýdarýda.Bul týraly oblystyq ІІD baspasóz qyzmetinen habarlady.

 Búgin atalǵan departamentte ofıtserlik jáne polıtsııa jıyny ótti. Jıynda negizinen Almatydaǵy terakti kezinde qaza bolǵan jáne zardap shekken polıtsııa qyzmetkerleriniń otbasyna kómek kórsetý máselesi qaraldy.
Áriptesteri aldynda sóz sóılegen oblystyq ІІD basshysynyń orynbasary Beıbit Ádilhanov Almatyda polıtseıler qaza bolǵan terrorıstik aktini aıyptap, qaza bolǵan jáne zardap shekken áriptesteriniń otbasyna aqmolalyq tártip saqshylary atynan kóńil aıtty. «...Biz qyzmettik mindettin oryndaý kezinde sheıit bolǵan áriptesterimizdiń otbasylary men týǵan-týystaryna shynaıy kóńil aıtamyz. Olar beıbit adamdardyń ómiri úshin óz jandaryn qıdy», dedi B.Ádilhanov.
Sonymen qatar jıynda aqmolalyq polıtseıler terakti kezinde qaza bolǵan jáne zardap shekken almatylyq áriptesteriniń otbasyna bir kúndik eńbekaqysyn aýdaratyn bolyp sheshti.