Aqmolalyq polıtseıler əriptesteri Ǵazız Baıtasovty eske aldy
KÓKShETAÝ. QazAqparat - Aqmolalyq polıtseıler əriptesteri Ǵazız Baıtasovty eske aldy, dep habarlaıdy "QazAqparat" HAA tilshisi oblystyq ІІD baspasóz qyzmetine silteme jasap.
Eske sala keteıik, 2011 jyldyń 12 qazanynda Taraz qalasynda 7 adamnyń ómirin qıǵan qandy qol lańkesterdi ustaý barysynda Jambyl oblystyq ІІD jol patrýldik polıtsııasy jeke batalonynyń birinshi vzvodynyń komandıri Ǵazız Baıtasov mert bolǵan edi. Keıin onyń óz ómirin qııa otyryp beıbit adamdardyń ómirine arasha túsken erligi eskerilip, Memleket basshysy N.Nazarbaevtyń Jarlyǵymen "Halyq Qaharmany" ataǵy berilgen bolatyn.
Aqmola oblystyq ІІD ótken shara barysynda batyr jaıly onyń otbasy, týysqandary jəne əriptesteriniń aıtqan estelikteri men jyly sózderi týraly kórkem fılm usynyldy. Ondaǵan adamnyń ómirin saqtap qalǵan batyrdyń erligi týraly ІІD murajaıynyń meńgerýshisi Amantaı Ysqaqov əńimelep berdi.
«...Ǵazız Baıtasov óziniń úlgisimen búginde Otanymyzdyń shynaıy qorǵaýshylary, halyq ańyzdary men dastandaryndaǵydaı batyrlary bar ekenin dáleldedi. Osy qaıǵyly oqıǵanyń oryn alǵanyna 5 jyl ótse de, batyrdyń esimi qazaqstandyqtardyń esinde məńgi saqtalǵan...».
Baspasóz qyzmetiniń məlimeti boıynsha Aqmola oblystyq ІІD jəne óńirlik bólimshelerindegi murajaılarda Ǵazız Baıtasovtyń erligine arnalǵan arnaıy qabyrǵa taqta ashylǵan.
