Aqmolalyq polıtseıler qaza bolǵan áriptesterin aqtyq saparǵa shyǵaryp saldy
KÓKShETAÝ. QazAqparat - Aqmolalyq polıtseıler qyzmettik mindetin oryndaý kezinde qaza bolǵan áriptesterin aqtyq saparǵa shyǵaryp saldy, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, 33 jastaǵy polıtsııa kapıtany Qanat Hımıdýllın men 38 jastaǵy polıtsııa kapıtany Qanat Otarbaevty jerleý rásimi búgin, 16 qazan kúni týǵan jeri Şýche qalasynda ótti.
Sharaǵa Aqmola oblystyq PD jeke quramy, Şýche qalasynyń ákimdigi, óńirdiń ózge de organdary men porkýratýra jáne marqumdardyń týǵan týystary, áriptesteri qatysty.
Qoshtasý rásiminde QR ІІM Erlan Turǵymbaevtyń jedel hatyn oqyp berdi. Vedomstvo basshysynyń jedelhatynda polıtsııa kapıtandary Qanat Hımıdýllın men Qanat Otarbaevty qyzmetine berligendigi, adaldyǵy, kásibı sheberligi aıtylǵan.
Sonymen qatar, sharada oblystyq PD bastyǵy Armanbek Baımýrzın óz sózinde, qaza bolǵan polıtsııa qyzmetkerleriniń otbastaryna QR «Quqyq qorǵaý qyzmeti týraly» zańynyń 66 jáne 67 baptaryna sáıkes, bir rettik kómek jáne aqshalaı ótemaqy tólenetinin aıtty.
Eske sala keteıik, 15 qazanda Şýche qalasynda eki polıtseı jol apatynan qaza tapty. Lexus NX20 mashınasy qyzmet babynda júrgen ýchaskelik polıtseılerdiń Lada-21214 kóligin úlken jyldamdyqpen kelip soqqan.
Іshki ister mınıstri Erlan Turǵymbaev mert bolǵan polıtseılerdiń otbasyna kóńil aıtty.
