Aqmolalyq polıtseıler eki balasymen dalada qalǵan kelinshekke kómektesti
KÓKShETAÝ. QazAqparat - Aqmola oblysynyń polıtseıleri eki balasymen dalada qalǵan kelinshekke kómektesti, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimeti boıynsha, Kókshetaý qalalyq PB №1-shi ákimshilik ýchastoginiń ıývenaldy polıtsııa bólimine eki bala asyrap otyrǵan jergilikti turǵyn Alına I habarlasyp, kómek suraǵan.
Zardap shegýshiniń sózinshe, aǵymdaǵy jyldyń sáýir aıynda azamattyq nekedegi kúıeýi otbasylyq túsinispeýshilikten keıin ony balalarymen birge jaldap turyp jatqan páterden qýyp shyqqan. Osyǵan oraı, balalardyń múddesi men quqyqtaryn qorǵaý maqsatynda ıývenaldy polıtsııa qyzmetkerleri bul máseleni jasóspirimderdiń isi boıynsha komıssııanyń qaraýyna shyǵardy.
Bir aıta keterligi, kelinshek pen balalarynda Qazaqstan Respýblıkasynyń azamattyǵy jáne jeke kýáligi bolmaǵan.
Áıeldiń ózi aıtqandaı, onyń ata-analary Qazaqstannan Reseıge qonys aýdaryp, sonda ajyrasqan. Keıin jasóspirim shaǵynda ol anasymen birge Qazaqstanǵa qaıtyp oralǵan.
Alaıda, Reseıde bolǵanynda 14 jasqa tolmaǵandyqtan Reseı Federatsııasynyń azamattynyń tólqujatyn ala almaǵan. Al anasy onkologııalyq aýrýmen naýqastanǵandyqtan qujat rásimdeýge múmkindigi bolmaǵan jáne mıgratsııalyq kartanyń merzimin ótkizip alǵan. Osynyń saldarynan Alınanyń ózi ǵana emes, balalarynyń da qujattary joq.
"Qazirgi kezde, Kókshetaý qalalyq PB ıÝvenaldy polıtsııa bóliminiń ótinishhaty boıynsha kelinshek eki balasymen birge Kókshetaý qalalyq áleýmettik beıimdeý ortalyǵyna jaıǵastyryldy. Budan bólek, Alınanyń Reseı Federatsııasynyń elshiliginen azamattyqtyń baryn ne joǵyn bildiretin anyqtama alýy úshin bıýdjetten qarjy bólý máselesi qaralyp otyr.Osy anyqtamany alǵannan keıin Alına men onyń balalarynyń qujattaryn rásimdeý máselesi sheshiletin bolady", - deıdi vedomstvonyń baspasóz qyzmetindegiler.
Sonymen qatar, ıývenaldy ınspektorlar Reseı Federatsııasynyń elshiliginen azamattyq mártebe týraly anyqtama alǵannan keıin Alına men onyń balalarynyń qujattaryn rásimdeýge, balalardyń ákesin anyqtaýǵa jáne balalardy asyraýǵa alıment alý úshin ótinish jazýǵa kómektespekshi.
